Ngjitja në Everest është një sfidë e jashtëzakonshme, që kërkon muaj përgatitje fizike dhe mendore, si dhe përshtatje me lartësitë ekstreme. Megjithatë, 17-vjeçarja shqiptare Bianca Adler, e njohur për rekorde të mëparshme në Manaslu dhe Ama Dablam, i afrohet majës më të lartë në botë, por detyrohet të ndalojë vetëm 400 metra larg saj.
Bianca dokumentoi udhëtimin në TikTok dhe Instagram, dhe videoja e saj më e fundit në TikTok u bë virale, duke mbledhur mbi 55 milionë shikime në dy ditë. Në pamje ajo shfaqet e rraskapitur pas katër ditësh të kaluara në “Zonën e Vdekjes”, rreth 8,000 metra mbi nivelin e detit, ku mungesa e oksigjenit e bën jetën e papërballueshme për një kohë të gjatë.
“Ndihesha tmerrësisht keq… Fyti dhe mushkëritë e mia… Jam shumë pa frymë, edhe pse dje isha në 8,000 metra. Ndihem më keq se kurrë,” rrëfen Bianca në video. Ajo arriti Streha 4 (7,925 metra), por u detyrua të tërhiqej për arsye sigurie. “Ndihesha kaq e fortë, por më duhej të kthehesha prapa. Nuk ka asgjë që mund të bëj për këtë dhe do të ishte budallallëk të vazhdoja,” shton ajo.
Në Instagram, Bianca dha më shumë detaje: “Arrita 8,450 metra, vetëm 400 metra poshtë majës, por erërat dhe rreziku nga ngrirja e duarve dhe gishtërinjve më detyruan të kthehesha. Ishte një vendim jashtëzakonisht i vështirë, por gjithmonë zgjedh jetën mbi një majë të mundshme.”
Pas tre netësh dhe afro katër ditësh në Zonën e Vdekjes, grupi i saj u rikthye në Streha 2. Babai i saj, i cili e shoqëronte në ekspeditë, u sëmur dhe qëndroi aty gjatë përpjekjeve për majën. Të dy u diagnostikuan me HAPE (edemë pulmonare në lartësi të madhe) dhe dehidratim, që janë të zakonshme në alpinizëm. “Ende ndihem jashtëzakonisht e rraskapitur, kështu që më duhet kohë për t’u rikuperuar,” shkruan Bianca.
@biancaaadler after spending almost 4 days in the death zone, feeling the worst I have ever felt #fyp #viral #everest #nature #climbing ♬ Fine line (Instrumental) – Kapa Boy