Sot, 18 shtator, shënohet një vit prej ndarjes së beftë nga jeta të ish-deputetit të Partisë Demokratike, Gerti Bogdani, i cili ndërroi jetë si pasojë e një arresti kardiak.
Në përkujtim të tij, bashkëshortja, aktivistja Edlira Çepani, publikoi një postim prekës në rrjetet sociale, ku përshkruan dhimbjen e mungesës dhe betimin familjar për të vijuar punën dhe kauzat që Gerti mbrojti jetësore. “1 vit pa ty Gert! Duket edhe si një përjetësi, por edhe sikur ishte dje që na dhe përqafimin e fundit… Çdo ditë e çdo vit pa ty do duket si një përjetësi,” shkruan ajo, duke shtuar se dhimbja nuk zhduket me kohën — por lehtësohet pak nga dashuria dhe mbështetja e njerëzve të afërt.
Edlira thekson se familja — ajo, fëmijët dhe miqtë — janë të bekuar nga kujtimi dhe përkrahja ndërkombëtare që kanë marrë, dhe premton: “Ne do e vazhdojmë hap pas hapi misionin tënd, do t’i ngremë lart gjithë vlerat dhe kauzat për të cilat ti luftove fort, deri sa të kemi jetë!”
Postimi i plotë i Edlira Çepanit:
1 vit pa ty Gert! Duket edhe si një përjetësi, por edhe sikur ishte dje që na dhe përqafimin e fundit… Çdo ditë e çdo vit pa ty do duket si një përjetësi, e do duket serish sikur të kemi aty në çdo moment! Dhimbja nuk kalon me kohën, thjesht na e lehtësojnë pak barrën njerëzit që na duan e tek të cilët gjejmë mbështetje dhe ngushëllim…
Jemi të bekuar se kaq shumë njerëz na kanë dashur e na duan fort, kaq shumë miq nga e gjithë bota që të kujtojne me mall dhe respekt, e që sot janë sërish duke të kujtuar ty, si një dritë që ndriçoje zemrat e kujtdo që kishe pranë.
Ne do e vazhdojmë hap pas hapi misionin tënd, do t’i ngremë lart gjithë vlerat dhe kauzat për të cilat ti luftove fort, deri sa të kemi jetë! Të duam pafund e do jemi çdo ditë plot mall, deri ditën kur të takohemi sërish, drita jonë! ëe love you daddy! You’ll always be our rock! we will always be the “fantastic four” and we know you still smile to us from heaven! ❤️❤️❤️❤️