Qeveria zvicerane njoftoi se do të pranojë refugjatë ukrainas pa procedura të gjata administrative vetëm në rastet kur ata ndodhen në rrezik të vërtetë në vendin e tyre. Të gjithë të tjerët do të duhet të ndjekin procedurat standarde të azilit.
Sekretariati Shtetëror për Migracionin (SEM) do të bëjë dallimin midis rajoneve “të sigurta” dhe “të pasigurta” në Ukrainë gjatë shqyrtimit të kërkesave të reja për azil. Sipas vlerësimeve aktuale, disa zona në perëndim të Ukrainës konsiderohen të sigurta, pasi nuk ka luftime intensive aty.
Ky ndryshim pritet të hyjë në fuqi gjatë vjeshtës, pas konsultimeve me Bashkimin Evropian dhe rajonet zvicerane.
Ukrainasit që tashmë ndodhen në Zvicër me status të veçantë refugjati nuk preken nga ky ndryshim, por kërkesat për rinovimin e statusit do të bëhen më të rrepta. Gjithashtu, kushdo që qëndron në Ukrainë më shumë se 15 ditë në gjysmën e vitit do të humbasë të drejtën për këtë status, nga 15 ditë në tremujor që lejohej më parë.
Aktualisht, në Zvicër jetojnë pak më pak se 69,000 ukrainas me status të veçantë refugjati.