Një vatër zjarri ka përfshirë pasditen e sotme Parkun Natyror të Gërmenjit, pranë fshatit Shelegur në bashkinë Kolonjë. Flakët janë përhapur shpejt, duke rrezikuar zonat e mbrojtura dhe bizneset përreth. Vatra të tjera aktive janë konstatuar edhe pranë piramidave kufitare 13-14, në kufi me Greqinë.
Pavarësisht ndërhyrjes së koordinuar nga shërbimi zjarrfikës i bashkisë Kolonjë, Forcat e Armatosura, Shërbimi Pyjor dhe Agjencia e Zonave të Mbrojtura (ADZM), situata mbetet e vështirë për shkak të terrenit të thepisur dhe erërave që favorizojnë përhapjen e flakëve.
Disa persona janë shoqëruar, pasi dyshohet për zjarrvënie të qëllimshme. Bashkia Kolonjë ka bërë thirrje për angazhim qytetar në mbrojtje të zonave të mbrojtura.