Një vatër zjarri ka shpërthyer në zonën e njohur si “Piramida 12” në Leskovik, pranë kufirit me Greqinë. Sipas informacioneve të para, flakët kanë nisur nga territori grek dhe po përhapen drejt zonës shqiptare në Kamenik.
Problemi thellohet nga fakti që kjo zonë është e minuar që nga Lufta e Dytë Botërore, duke vështirësuar ndërhyrjen e forcave zjarrfikëse. Në vendngjarje janë nisur menjëherë zjarrfikës, policia e Kolonjës dhe forca të zonave të mbrojtura.
Temperaturat e larta dhe era po favorizojnë përhapjen e zjarrit, duke krijuar një situatë të rrezikshme dhe të vështirë për t’u kontrolluar.