ELBASAN– Kodrat në zonën e Karinës janë përfshirë nga zjarri pasditen e kësaj të diele, ndërsa flakët janë përhapur në Peqin dhe në Sinaballaj të Rrogozhinës.
Përhapja e flakëve është favorizuar edhe nga era e fortë që fryn dhe temperaturat e larta.
Bazuar në informacionet paraprake bëhet me dije se zjarri ka përfshirë një sipërfaqe të konsiderueshme me ullinj dhe kullotë, ndërsa situata ka krijuar panik tek banorët dhe autoritetet lokale.
Forcat zjarrfikëse ndodhen në terren dhe po punojnë në kushte të vështira për vëniën nën kontroll të flakëvë. Banorët e zonës i janë bashkuar zjarrfikësve për shuarjen e vatrave të zjarrit Në operacion janë angazhuar dy helikopterë të shërbimit zjarrfikës dhe të ushtrisë, të cilët po ndihmojnë nga ajri në përpjekjet për të frenuar përhapjen e mëtejshme të flakëve.