Një zjarr i fuqishëm ka përfshirë një pyll me pisha midis fshatrave Gjinoqarë dhe Drenie në Patos, duke shkrumbuar mbi 4 hektarë sipërfaqe dhe duke rrezikuar zonat e banuara përreth.
Për shkak të terrenit të thyer dhe dendësisë së madhe të pyllit, zjarrfikësit nuk kanë mundur të ndërhyjnë nga toka, ndërsa banorët dhe autoritetet apelojnë për ndërhyrje urgjente nga ajri.
Kryeplaku i Gjinoqarit, Nuri Gllava, paralajmëron se situata mund të përkeqësohet gjatë natës, duke vënë në rrezik të drejtpërdrejtë komunitetin.
Dyshohet se zjarri është i qëllimshëm, pasi vatra është ndezur në mes të pyllit, larg çdo rruge apo ndërtese.