Kreu i grupit parlamentar të PD, Gazment Bardhi ka publikuar spotin e protestës së 7 Tetorit. Aty bëhet thirrje për pjesëmarrje në protestë, mosbindje civile dhe kërkesë për qeveri teknike. Ndërsa bien në sy skena ku protesta të kaluara të opozitës kanë degjeneruar në dhunë e ka pasur edhe tym e flakë.
Postimi i Gazment Bardhit:
Kurrë Shqipëria nuk ka rrezikuar kaq shumë të humbas gjithçka ka fituar me betejë të pashembullt 34 vjet më parë. Demokracia është në rrezik. Shteti personal i Edi Ramës shtyp të pamundurit dhe mbron kriminelët dhe të korruptuarit.
Të gjithë bashkë, më 7 Tetor 2024, ora 18:00, marshojmë drejt Tiranës, për ti treguar kujtdo se atë që kemi fituar me aq mund, nuk mund ta dorëzojmë lehtë!