SHKODËR– Parkingu i një pallati në Shkodër është përfshirë nga flakët. Ngjarja ka ndodhur në rrugën “Dragushaj”, ku dyshohet se flakët kanë shpërthyer nga një automjet i parkuar.
Bazuar në informacionet paraprake, makina është përfshirë nga flakët, ndërsa tymi ka mbuluar një pjesë të zonës, duke shkaktuar panik te banorët përreth.
Në vendngjarje kanë mbërritur menjëherë forcat zjarrfikëse, të cilat po punojnë për neutralizimin e flakëve dhe për të shmangur përhapjen e zjarrit në të gjithë parkingun apo në automjete të tjera. Burime paraprake bëjnë me dije se automjeti rezulton në pronësi të një shtetasi italian. Ndërkohë, policia ndodhet në vendngjarje dhe ka nisur hetimet për të zbardhur shkaqet e rënies së zjarrit./Radar.al