Familjarët e ish-zv.drejtorit të Agjencisë Kombëtare të Informacionit, Daniel Shima, kanë njoftuar policinë për zhdukjen e tij.
Sipas deklaratës së familjes, kontaktet me Shima-n janë ndërprerë që prej paradites së sotme, çka ka nxitur reagimin e menjëhershëm të forcave të rendit. Policia ka nisur kontrolle në zona të ndryshme dhe po bashkëpunon me familjarët për të gjurmuar lëvizjet e tij të fundit.
Daniel Shima ka shërbyer për një periudhë të gjatë si nëndrejtor i AKSHI-t, detyrë nga e cila është larguar në vitin 2024. Hetimet janë në zhvillim e sipër për të sqaruar rrethanat e zhdukjes së tij.