Një gjest i vogël, por me shumë nënkuptime, ka mjaftuar që Don Xhoni të rikthehet në qendër të vëmendjes. Reperi i njohur nga Kosova ka komentuar me një emoji zemre në një nga postimet më të fundit të Loredana Bratit, ish-banore e Big Brother VIP Albania.
Ky veprim i thjeshtë ka ndezur menjëherë rrjetet sociale, duke hapur valën e aludimeve për një afrim të mundshëm romantik mes dyshes. Fansat nuk kanë humbur kohë për të komentuar mbi një lidhje të re në horizont, sidomos pasi Brati është aktualisht beqare dhe ka deklaruar publikisht se është e hapur për njohje të reja.
Nga ana tjetër, Don Xhoni njihet për stilin e tij të drejtpërdrejtë dhe provokues në rrjete sociale, gjë që e bën çdo lëvizje të tij një shkëndijë për spekulime të reja.
A është kjo thjesht një emoji miqësor, apo sinjali i parë i një historie të re? Rrjeti mezi pret të zbulojë…