UKRAINË– Presidenti ukrainas Volodymyr Zelensky thotë se SHBA-të duan që lufta me Rusinë të përfundojë deri në qershor, duke shtuar se të dyja palët janë ftuar në SHBA për bisedime javën e ardhshme, shkruan BBC.
“Amerika propozoi për herë të parë që dy ekipet negociuese, Ukraina dhe Rusia të takohen në Shtetet e Bashkuara të Amerikës, ndoshta në Miami, brenda një jave. Ne konfirmuam pjesëmarrjen tonë.”-deklaroi ai.
Por nuk pati asnjë koment të menjëhershëm nga Uashingtoni apo Moska, por Presidenti i SHBA-së Donald Trump ka bërë presion për t’i dhënë fund konfliktit që kur mori përsëri detyrën më shumë se një vit më parë.
Ndërkohë, Rusia ka vazhduar sulmet e saj ndaj infrastrukturës energjetike të Ukrainës, duke shkaktuar ndërprerje të mëtejshme të energjisë elektrike gjatë kushteve të ngrirjes.
Në komentet e publikuara të shtunën, Zelensky u tha gazetarëve se çfarë kishte ndodhur gjatë raundit të dytë të bisedimeve të paqes të ndërmjetësuara nga SHBA-të në Abu Dhabi, të cilat përfunduan të premten pa raportime për ndonjë përparim.
“Çështjet e vështira mbetën të vështira. Duke përfshirë lëshimet territoriale që Ukraina është nën presion për t’i bërë. Amerikanët thonë se duan të bëjnë gjithçka deri në qershor.”-tha ai./Radar.al