Tom Cruise, një nga yjet më të mëdhenj të Hollywood-it, nuk ka përdorur kurrë në skenë emrin e tij të vërtetë. Aktori ka lindur në vitin 1962 me emrin Thomas Cruise Mapother IV, por vendosi të hiqte dorë nga mbiemri familjar kur nisi karrierën në aktrim në moshën 18-vjeçare.
Edhe pse emri më i shkurtër i përshtatej më shumë botës së kinemasë, arsyeja kryesore ishte personale. Cruise ka rrëfyer se ndryshimi ishte një mënyrë për t’u shkëputur nga e kaluara e vështirë dhe veçanërisht nga marrëdhënia me babanë e tij, të cilin e përshkroi si abuzues dhe “burim kaosi”.
Në një intervistë për revistën Parade më 2006, aktori tha:
“Ai ishte ai njeri që të bënte të ndiheshe i sigurt dhe më pas… bum! Për mua ishte mësim: Mos i beso. Ji i kujdesshëm.”
Nëna e Cruise u divorcua nga babai kur ai ishte vetëm 12 vjeç, ndërsa aktori e takoi të atin vetëm një dekadë më vonë, pak para se ai të ndërronte jetë.
Interesante është se disa anëtarë të familjes nuk hoqën dorë nga mbiemri. Kushëriri i tij, aktori William Mapother, ka ruajtur emrin e plotë dhe është njohur për rolet në serialin Lost dhe filmin Zodiac.
Tom Cruise i është bashkuar një liste të gjatë personazhesh të famshëm që kanë ndryshuar emrin për arsye personale ose profesionale, përfshirë Shania Twain (Eilleen Regina Edwards), Tina Fey (Elizabeth Stamatina Fey) dhe Ricky Martin (Enrique Morales).