Ekipi i vendit të tretë në Premier League, Aston Villa, u mposht në “Molineux” nga Wolverhampton Wanderers.
Ndeshja mbeti e ekuilibruar deri në minutën e 60-të, kur João Gomes theu baraspeshën duke i dhënë avantazhin vendasve.
Në minutën e 98-të, një tjetër gol vulosi fitoren 2-0 për Wolves, duke i dhënë skuadrës tri pikë me vlerë, sidomos për moralin në këtë fazë të sezonit.
Megjithatë, pavarësisht suksesit, situata në renditje mbetet problematike për Wolves, që vazhdon të mbajë vendin e fundit. Fitorja vetëm sa ka ngushtuar diferencën me skuadrat mbi të, ndërsa aktualisht ndodhet 14 pikë larg vendit të parafundit, që mbahet nga Burnley i sulmuesit kuqezi Armando Broja.