Presidenti i Aleksandar Vučić ka deklaruar se partia në pushtet, Partia Progresive Serbe (SNS), do të organizojë një tubim të madh në Beograd më 28 qershor, me mundësi që aktiviteti të mbahet edhe më herët, si dhe me tubime të ngjashme në disa qytete të tjera.
Duke folur nga Parisi, ku po merr pjesë në një konferencë ndërkombëtare mbi politikën globale, Vuçiç tha se periudha rreth Vidovdanit do të shënojë “një kohë vendimesh të rëndësishme dhe madhore” për qytetarët serbë, pa sqaruar nëse bëhet fjalë për zgjedhje të parakohshme apo zhvillime të tjera politike.
Ai theksoi se tubimi është regjistruar në mënyrë ligjore dhe kritikoi protestat antiqeveritare të zhvilluara muajt e fundit në Serbi, duke vënë në dukje se sipas tij po bëhet “e pazakontë” kur veprohet brenda kornizës ligjore.
Deklaratat e tij vijnë në një periudhë tensionesh të brendshme politike dhe debatesh të forta në skenën publike serbe mbi drejtimin e ardhshëm të vendit.