Presidenti i Serbisë, Aleksandar Vučić, ka deklaruar se Serbia nuk do të heqë dorë nga Kosova dhe ka hedhur akuza ndaj një bashkëpunimi ushtarak mes Shqipërisë, Kosovës dhe Kroacisë.
Në një fjalim të mbajtur në Beograd me rastin e përkujtimit të sulmeve të NATO-s në vitin 1999, Vuçiç tha se i janë bërë oferta nga “të huajt” për njohjen e Kosovës si shtet të pavarur në këmbim të përfitimeve ndërkombëtare, përfshirë edhe pretendime për Çmimin Nobel për paqe.
Ai u shpreh gjithashtu se Serbia po forcon ushtrinë dhe se do të mbrojë vendin e saj në çdo skenar të mundshëm.
Duke iu referuar një aleance të mundshme mes Tirana, Prishtina dhe Zagreb, Vuçiç pretendoi se ajo mund të ketë implikime ushtarake në rast të një konflikti më të gjerë në Evropë, duke sugjeruar se Serbia mund të ndjehet e rrezikuar nga një koordinim i tillë rajonal.
Nga ana tjetër, ai theksoi se Serbia nuk ka qëllime agresive ndaj vendeve të tjera, por do të mbetet e përkushtuar për mbrojtjen e territorit dhe qytetarëve të saj.
Deklaratat e tij vijnë në një kontekst tensionesh të vazhdueshme politike në rajon dhe debateve për sigurinë dhe aleancat në Ballkanin Perëndimor.