KOSOVË– Ceremonia mortore e autorit që vrau bashkëshorten më pas veten, është zhvilluar pasditen e djeshme në varrezat e fshatit Kuman të Roskovecit. Sipas dëshmive të banorëve, në varrim nuk ishte i pranishëm asnjë nga nëntë fëmijët apo të afërmit e tij, ndërsa procesi u krye vetëm nga punonjësit e shërbimit funeral dhe punonjësve të komunës.
Drejtori i ndërmarrjes publike, Arben Duka, konfirmoi se policia negocioi gjatë me familjen për tërheqjen e trupit nga morgu, por pas dështimit të bisedimeve, detyrimi për ceremoninë i mbeti Bashkisë së Roskovecit.
Ndërsa vëllai i viktimës u shpreh për mediat se familja do të kryejë vetëm ceremoninë për Dashuri Rrapajn, duke e cilësuar 80-vjeçarin si një njeri të dhunshëm që kishte tentuar vetëvrasjen edhe më parë.
Komuniteti mbetet i tronditur nga tragjedia, e cila dyshohet se nisi pas një konflikti banal me djalin e kthyer nga emigracioni, ku viktima ndërhyri për ta mbrojtur. Prania e shtuar e policisë në zonë gjatë ditëve të fundit dëshmon tensionin e lartë që ka shoqëruar këtë ngjarje të rëndë familjare.
“Na thanë që e varrosën. Pashë makinën funerale dhe shkova. Ishin vetëm 3-4 veta dhe e çuan në fund fare. Nuk e prisnim kurrë. Ishin njerëz shumë të mirë, u habitëm të gjithë kur e dëgjuam. Para disa ditësh kishte polici këtu, rrinte furgoni. Por kujt ia merrte mendja që do ndodhte kjo. Menduam mos kishte ndodhur ndonjë aksident.”- u shprehen banorët./Radar.al