Dan Hutra, autori i dyshuar si vrasësi i tre grave dhe plagosjes së tre të tjera, një vit më parë është marrë i pandehur nga Prokuroria e Tiranës.
Hetuesi Enklid Gjini ndaj Hutrës ngriti 8 akuza që i rrezikojnë dënimin me burgim të përjetëshëm. Tashmë dosja i ka kaluar Gjykatës së Tiranës, e cila do të marrë edhe vendimin.
Sipas dosjes hetimore, plagosja e Marjana Gurakuqit në zonën e “Astirit”, vrasja e dy grave (Mevlute Hysa dhe Hasime Dafku) dhe plagosja e Elena Hysës në “Bathore”; si edhe vrasja e Etleva Kurtit në “Kodër Kamëz” janë kryer Brenda 33 minutave.
Pasi kreu vrasjet e plagosjet, Hutra tentoi që të fshihej në zonën e Sharrës.
Në një intervistë të dhënnë nga ambientet e burgut, Hutra zbuloi se atje kishte hapur një varr për t’u fshehur ndërkohë që më vonë do të arratisej.
Ndërsa sa i përket Rrahman Selës, të cilin donte ta vriste tregoi se e tentoi tre herë t’i merrte jetën, por shënjestra kishte arritur të mbijetonte.
Akuzat e prokurorisë
Vrasja me paramendim ndaj Etleva Kurtit (dënohet me burgim nga 15 gjer në 25 vjet)
Vrasja për shkak të marrëdhënies familjare në dëm të Mevlute Hysa (jo më pak se njëzet vjet ose me burgim të përjetshëm)
Vrasja për shkak të marrëdhënies familjare në dëm të Hasime Dafkut
Vrasja për shkak të marrëdhënies familjare mbetur në tentativë në dëm të Elena Hysa.
Vrasja për shkak të marrëdhënies familjare mbetur në tentativë në dëm të Kujtime Hysa.
Vrasja me paramendim mbetur në tentativë ndaj Marjana Gurakuqit
Mbajtje pa leje e armëve të zjarrit dhe municionit (dënohet me burgim nga 3 deri në 7 vjet.)
Sigurimi i kushteve dhe mjeteve për të kryer vrasjen në dëm të Rrahman Selës në Vaqar. (dënohet me burgim gjer në 5 vjet). /OraNeës