Policia greke ka arrestuar autorin e dytë të dyshuar për vrasjen e dyfishtë që ndodhi më 5 tetor në një kamping në Foinikounta. Bëhet fjalë për një 22-vjeçar, mik i të riut tjetër që ishte dorëzuar më herët dhe kishte pranuar se ishte pasagjer në motorin e përdorur për ikjen nga vendi i krimit.
I arrestuari u kap në banesën e tij në Kallithea, ndërsa më herët, i riu tjetër kishte deklaruar para policisë se qëllimi i tyre ishte të frikësonin pronarin përmes shantazhit, pas një ngacmimi seksual të pretenduar nga 68-vjeçari pronar i kampingut gjatë verës së vitit 2022.
Avokati i 22-vjeçarit, Haralambos Lykudis, theksoi se krimi nuk kishte motive ekonomike apo trashëgimie, dhe se vrasja ndodhi si pasojë e papritur e situatës, jo si planifikim paraprak.
68-vjeçari Kostas Tomaras, pronar i kampingut u vra së bashku me punëtorin e tij shqiptar 62-vjeçar.