Kryetarja e Komisionit Evropian, Ursula von der Leyen ka folur sot lidhur me tarifat e vendosura nga presidenti amerikan Donald Trump ndaj pothuajse çdo vendi të botës.
Ajo tha se “Evropa është e gatshme të negociojë me SHBA-në”. Gjithashtu theksoi se Bashkimi Evropian ka propozuar që SHBA-ja dhe BE-ja, të vendosin reciprokisht zero tarifa për mallrat industriale.
Ajo tha se është propozuar sepse BE-ja është gjithmonë e gatshme për një marrëveshje të mirë.
“Megjithatë, ne jemi gati për kundërmasa dhe të mbrohemi nga efektet indirekte përmes diversifikimit të tregtisë”, shtoi Von Der Leyen.