Drejtoria e Shëndetit Publik në Fier, si një nga zonat nga ku janë identifikuar më shumë raste me “Ethet e Nilit” ka vazhduar të marrë masat për identifikimin e zonave për parandalimin e përhapjes së këtij virusi që transmetohet nga mushkonjat.
Epidemiologia tregon rastet dhe zonat duke konfirmuar se nuk ka vatra epidemiologjike.
Mjekja këshillon edhe qytetarët për masat që duhet të marrin dhe ka një apel për pushtetin vendor që të tregojë kujdes me pastrimin e kanaleve, pasi aty mund të krijohen ambiente të përshtatshme për shumimin e mushkonjave.
Ekspertët shprehen se nuk mund të kryejnë një dezinsektim në masë ndaj mushkonjave, sepse jo të gjitha mushkonjat janë shpërndarëse të këtij virusi.
Por mësohet se ekspertët janë të angazhuar të kryejnë dezinsektime atje ku konstatohen mushkonjat që transmetojnë Ethet e Nilit.