Dalin pamjet nga momentet e shoqërimit në Komisariat të Altin Kuka, autori i dyshuar i krimit të dyfishtë në Roskovec. Ai është vetëdorëzuar bashkë me armën automatik me të cilën vrau kushërinjtë, xhaxha e nip.
Gramoz Kurtaj dhe Vladimir Kurtaj, xhaxha dhe nip janë viktimat e ngjarjes kriminale që ndodhi këtë të martë në Kurjan të Roskovecit.
Dyshohet se ata u vranë me armë zjarri nga 49-vjeçari Altin Kuka. Ai ka qëlluar me automatik ndaj 2 personave, ndërsa këta të fundit ndërruan jetë në spital si pasojë e plagëve të marra.
Sipas drejtorit të policisë, dyshohet se krimi ka ndodhur për motive të dobëta. Ai shprehet se, djali i autorit ka pasur konflikte me dy viktimat. Hasanaliaj tha gjithashtu se 2 të ekzekutuarit janë xhaxha dhe nip. Mësohet se fëmijët janë zënë në shkollë një ditë më parë dhe situata ka degraduar deri në përfshirjen e të rriturve.