Një pjesë e një ure të madhe në provincën Sichuan të Kinës jugperëndimore u shemb të martën, 11 nëntor, vetëm disa muaj pas përurimit të saj. Ngjarja ndodhi përgjatë Autostradës Kombëtare 317, që lidh zonat e thella të vendit me Tibetin, por fatmirësisht nuk pati raportime për viktima.
Sipas agjencisë Reuters, policia në qytetin Maerkang kishte ndaluar hyrjen në Urën Hongqi, 758 metra e gjatë, që të hënën pasdite u vunë re çarje në shpatet dhe rrugët pranë saj, ndërsa një shpat mali u pa duke lëvizur, sipas njoftimit të qeverisë lokale.
Shembja e urës shkaktoi rrëshqitje toke, ndërsa pamjet e ngjarjes u shpërndanë shpejt në rrjetet sociale, duke u bërë virale. Ndërtimi i urës kishte përfunduar në fillim të këtij viti, sipas kontraktorit Sichuan Road & Bridge Group, i cili postoi video nga përfundimi i projektit.
The Hongqi Bridge in Shuangjiangkou, Sichuan Province, China, partially collapsed today. Authorities believe that cracks in the nearby mountainside — likely caused by water accumulation from a nearby reservoir — played a major role in the incident. pic.twitter.com/v1bdbj5KLJ
— Weather Monitor (@WeatherMonitors) November 11, 2025