Mentaliteti dhe krijmi i idesë për të kapur viralitet në rrjet, mbizotëron tek të rinjtë.
Gazetarja Klodiana Lala së fundmi ka publikuar një video ku dy të rinj shfaqen teksa qarkullojnë me një automjet ndërkohë që njëri prej tyre mban në dorë një armë zjarri kallashnikov ndërsa tjetri një armë zjarri pistoletë.
Referuar pamjeve ata ndodhen në zonën e Kirasit në Shkodër, teksa skandali bëhet më i rëndë kur vetë të rinjtë i kanë publikuar pamjet në rrjetet sociale.
Lala poshtë postimit të saj shkruan se pamjet janë filmuar disa muaj më parë dhe ajo i ka referuar në Polici, por nuk ka patur asnjë reagim prej tyre.
“Kjo video me ka ardhur muaj me pare ne rrjetet e mia sociale.
Mendohet te jete realizuar ne Shkoder, por une se kam konfirmuar ende ne menyre te pavarur.
Atekohe e pata adresuar ne polici, por askush nuk reagoi.
Mbase qytetaret do te ndihmojne policine ne identifikimin e personave qe levizin me arme dhe sfidojne shtetin!” – shkruan Klodiana Lala.