Një ngjarje e frikshme ka ndodhur në portin e Barit, ndërsa një makinë po përgatitej të hipte në tragetin me destinacion Shqipërinë.
Në automjet ndodhej vetëm shoferi, i cili, për fat, arriti të shpëtonte duke thyer xhamin e përparmë dhe duke dalë jashtë para se makina të fundosej. Ai u nxorr nga Roja Bregdetare, e cila ndërhyri menjëherë.
Sipas mediave italiane, makina kishte kaluar të gjitha kontrollet e sigurisë, por për shkak të shiut të rrëmbyeshëm, shoferi humbi kontrollin dhe mjeti përfundoi në det.
Zjarrfikësit dhe njësia e tyre e zhytjes ndërhynë gjithashtu për të nxjerrë automjetin nga uji.