Pamje dramatike janë regjistruar gjatë natës së ndërrimit të viteve në qendër të Amsterdamit, ku një zjarr i madh përfshiu kishën historike Vondelkerk, duke shkaktuar dëme të rënda strukturore. Flakët shpërthyen pak pas mesnatës dhe u përhapën me shpejtësi, ndërsa në orët e para të mëngjesit u shemb plotësisht kambanorja e kishës.
Autoritetet lokale bënë me dije se ndërtesa nuk mund të shpëtohet më dhe se situata mbetet jashtëzakonisht e rrezikshme. Rajoni i Sigurisë Amsterdam-Amstelland paralajmëroi se ekziston rrezik real për shembjen e plotë të kishës, e cila ndodhet pranë Vondelparkut, një nga zonat më të frekuentuara të kryeqytetit holandez.
Zjarrfikësit vijojnë ende përpjekjet për shuarjen e flakëve, ndërsa një pjesë e strukturës qendrore dhe kambanorja janë shembur tashmë. Për arsye sigurie, banesat përreth janë evakuuar dhe zjarri është klasifikuar si i përhapur, për shkak të intensitetit dhe dendësisë së zonës urbane.
Sipas mediave holandeze, maja e kishës 154-vjeçare u rrëzua pasi ndërtesa ishte përfshirë nga flakët për më shumë se një orë. Kryetarja e Bashkisë së Amsterdamit, Femke Halsema, e cilësoi ngjarjen si një zjarr “shumë intensiv dhe të tmerrshëm” në një monument kulture, duke theksuar se prioriteti kryesor mbetet siguria e qytetarëve dhe mbrojtja e objekteve përreth.
Kisha Vondelkerk u ndërtua në vitin 1872 dhe për dekada njihej si Kisha e Zemrës së Shenjtë të Jezusit. Pas një periudhe të gjatë braktisjeje dhe rreziku për shembje, ajo u restaurua në vitet ’80 dhe kohët e fundit shërbente si hapësirë për aktivitete kulturore, evente dhe koncerte.
❗️⚠️🇳🇱 – As 2026 begins, a tragic incident has marred the New Year celebrations in Amsterdam.
Shortly after midnight on January 1, a major fire broke out at the historic Vondelkerk, a neo-Gothic landmark built in the late 19th century near Vondelpark.
Emergency services… pic.twitter.com/Hys1ce6S8V
— 🔥🗞The Informant (@theinformant_x) January 1, 2026