Gazetarja Anila Hoxha ka zbuluar për herë të parë se është kontaktuar nga i shumëkërkuari Ibrahim Lici, vëllai i të cilit u vra pak ditë më parë në masakrën e Dobraçit, Hamzai.
Teksa dyshohet se në mjetin ku u vra Ibrahim Lici dhe Arlind Bushati ndodhej dhe një person i tretë, gjerësisht është dyshuar se ai person është pikërisht Ibrahimi. Babai i tij Mustafai në marrjen në pyetje ka deklaruar se i biri Ibrahimi ndodhet në Turqi e ka mohuar të ketë qenë në Shkodër ditën e ngjarjes.
Gazetarja tregoi bisedën, ku Lici i kishte rrëfyer se akuzonte me emra punonjës të policisë apo ekspertëve të vendngjarjeve, që kishin manipuluar ngjarjet që ai akuzohet si i përfshirë.
Hoxha tregoi se gjatë bisedës, i kërkoi Licit që ai të dorëzohej dhe të raportonte publikisht për ato që ai pretendonte.
“Ibraim Lici më shkruan nga Turqia. Më dërgon fotografinë e pasaportës. Unë jam Ibrahim Lici thotë, e marr si shaka i them kush jeni ju. Unë jam thotë, në atë bisedë dhe atë çfarë ka shkruar ky person i kërkuar, akuzon, policinë, ekspert të vendngjarjeve, prokurorinë që sipas tij manipulonin ngjarjen.
Do dëshiroja që ky njeri të dorëzohej dhe ato që ka shkruar në telefonin tim ti tregonte. Zyrtare policie me emër mi ka shkuar për manipulim ngjarje dhe Shkodra nuk është marrë asnjëherë seriozisht. Shkodra është si Vlora 2015 qe kishe frikë të lëvizje të qytet”-tha Anila Hoxha në Top Story.