Janë zbardhur detaje nga dëshmitë e dhëna në Polici të familjarëve të Enver Ballës, vrarë nga i biri, Esmerald Balla.
Burimet thanë se si motra dhe dy vëllezërit e autorit të dyshuar, nuk e besojnë dot atë që ka ndodhur.
Në dëshminë e tij në polici, djali i Enverit, Andi, një nga vëllezërit që u kthye nga Italia sa mori vesh zhdukjen e babait ka thënë që “vëllai im nuk vret dot asnjë mizë”.
Sipas Policisë bëhet fjalë për një vrasje me dashje. Autori i dyshuar mësohet se e ka qëlluar babain e tij në kurriz, nga pas, pra do të thotë se nuk ka qenë në një përleshje fizike që t’i merrte armën me të cilën tha se i ati e kërcënonte.
Një plumb Enver Ballën e ka kapur pas koke dhe një plumb tjetër në kurriz. Kjo e hedh poshtë versionin e një akti vetëmbrojtje nga i dyshuari.