Me dhjetra mbështetës të kryetarit të Bashkisë Erion Veliaj u mblodhën mëngjesin e 12 shkurtit përpara ambienteve të GJKKO ku pritet të mbahet seanca për vlerësimin e masës së sigurisë.
Mbështetësit e kryebashkiakut po protestojnë lidhur me arrestimin e Veliajt, pasi nuk bien dakort me masën dhe akuzat e SPAK ndaj kryetarit të qytetit.
Mbështetësit e Veliajt kanë mbërritur para GJKKO herët në mëngjes, ata kanë duartrokitur dhe ka pasur ovacione në mbështetje të kreut të Bashkisë Tiranë.
Erjon Veliaj mbahet në bllokun e sigurisë tek Mine Peza prej të hënës (10 shkurt) dhe do ta lërë këtë ambient për të shkuar drejt gjyqit, i cili pritet të nisë prej orës 8.30.
Po ashtu edhe Ajola Xoxo, bashkëshortja e kryetarit të bashkisë së Tiranës, është futur në ambientet e GJKKO, aty ku do të njihet me masën e sigurisë, pasi ndaj saj u caktua ‘arrest shtëpie’.
Xoxa u fut e vetme në Gjykatë teksa mbante një çantë në krahë./Radar.al