SARANDË– Gazetari i njohur shqiptar Artur Zheji humbi jetën në mënyrë të beftë pasditen e kësaj të shtune të 23 Gushtit.
Nga informacionet paraprake bëhet me dije se gazetari ishte me pushime me familjen e tij në qytetin bregdetar të Sarandës dhe dyshohet se ka pësuar arrest kardiak.
Ai po festonte me familjen datëlindjen e të birit, Patrik, në një restorant në rrugën “Butrinti” në Sarandë dhe nuk është ndjerë mirë.
Menjëherë ata kanë telefonuar një ambulancë, e cila ka marrë Zhejin rreth orës 16:10 për ta dërguar në spitalin “Petro Nako” të Sarandës, por atje ka mbërritur pa shenja jete.
Zheji lindi më 29 gusht 1961 dhe u nda nga jeta në moshën 64-vjeçare. Ai la pas bashkëshorten, dhe dy fëmijët, djalin 22-vjeçar dhe vajzën 19 vjeç./Radar.al