Operacionet për prishjen e ndërtimeve pa leje që kanë zënë hapësirat publike po vijojnë intensivisht në të gjithë Shqipërinë.
Kryeministri Edi Rama ndau këtë të premte pamje nga terreni, duke theksuar se asnjë objekt i ndërtuar për fitim në hapësira të përbashkëta nuk do të tolerohet. “S’ka pushim”, shkroi ai krahas pamjeve nga prishja e një objekti.
Autoritetet bëjnë me dije se sipërfaqja e çliruar e hapësirave publike, veçanërisht në kryeqytet, po rritet dita-ditës. Paralelisht, po vijon puna për projektet e shumta të sistemimit të këtyre zonave, për t’i kthyer ato në hapësira funksionale dhe të rregulluara për qytetarët.