FLORIDA– Në Florida uragani “Milton” mbërriti në zonën e gjirit Tampa mbrëmjen e së mërkurës duke shkatërruar totalisht çatinë e stadiumit me kupola të Tropicana Field, i vendosur në Shën Petersburg, Florida.
Ky stadium është shtëpia e ekipit profesionist amerikan të bejsbollit Tampa Bay Rays.
Pjesët e çatisë së stadiumit u shpërndanë nga erërat e forta. Sipas WFTS-TV në Tampa, nuk u raportuan të lënduar në stadium.
I njëjti stadium po përdorej si bazë për ekuipazhet e ndihmës së parë të vendosura në zonë për t’u marrë me Miltonin.
Uragani “Milton” sot ka prekur edhe bregun perëndimor të Floridës me stuhi të forta ku shkatërroi shtëpitë dhe shkaktoi ndërprerje të energjisë ndërsa lëviz në drejtimin lindor./Radar.al