UEFA ka vendosur gjobë prej 5,000 euro për secilin nga futbollistët Lamine Yamal dhe Robert Lewandowski, për shkelje të rregulloreve anti-doping pas ndeshjes së kthimit të Ligës së Kampionëve mes Barcelonës dhe Interit në Itali, raporton Marca.
Të dy lojtarët nuk respektuan Nenin 21.8 të Rregullores Anti-Doping, i cili kërkon paraqitjen e menjëhershme në zonën e kontrollit pas përfundimit të ndeshjes. Sipas raportit zyrtar, Yamal dhe Lewandowski nuk u paraqitën menjëherë në pikën e kontrollit, duke shkaktuar kështu hapjen e procedurave disiplinore.
Ngjarja ndodhi pas humbjes dramatike të Barcelonës me rezultat 4-3 në kohën shtesë kundër Interit, ku katalanasit ishin shumë pranë fitores në minutat e fundit të kohës së rregullt.