Dy nga pretendentët kryesorë për të fituar çmimin e madh tek Kënga Magjike, Arilena Ara dhe Pirro Çako, nuk performuan në natën finale. Bojkoti i tyre pak orë para eventit ka ngjallur polemika dhe spekulime të shumta në rrjetet sociale dhe mediat online.
Organizatori i festivalit, Ardit Gjebrea, sqaroi gjatë finales se mungesa e tyre ishte për shkak të problemeve shëndetësore. Megjithatë, një postim i bërë nga Arilena në Instagram pas përfundimit të finales ka hedhur dyshime mbi këtë pretendim.
Zbulohet arsyeja/ Pse Arilena Ara dhe Pirro Çako hoqën dorë nga gara e “Këngës Magjike”
Në postimin e saj, Arilena ripostoi një status të një prej bashkëpunëtorëve të saj, ku shkruhej: “Natën e mirë vetëm Arilena Arës që ua mori çmimin edhe pa qenë prezente”.
Ky mesazh ka ngjallur interpretime të ndryshme, duke lënë të kuptohet se arsyet e bojkotit mund të jenë të tjera, ndoshta të lidhura me mosmarrëveshje ose dyshime për parregullsi në procesin e vlerësimit.
Deri më tani, as Arilena Ara dhe as Pirro Çako nuk kanë dhënë një deklaratë zyrtare për të sqaruar arsyet e vërteta të mungesës së tyre në finalen e këtij festivali të rëndësishëm.
