Detaje të reja kanë dalë në pah në lidhje me operacionin e zhvilluar Shqipëri-Itali, ku u mësua se dy efektivë policie janë përfshirë në korrupsion dhe bashkëpunuan me grupe kriminale gjatë ushtrimit të detyrës së tyre.
Burimet bëjnë me dije se Altin Morina është një nga dy punonjësit e policisë që u shënjestrua nga bashkëpunimi mes autoriteteve shqiptare dhe atyre italiane.
Morina është një nga ish punonjësit e policisë që konkludon të ketë qenë i përfshirë në operacionin “Ura”.
Kujtojmë se emri i tij del dhe në bashkëpunim me grupet kriminale në një tjetër dosje në lidhje me të cilën vu në pranga para 2 javësh.
Në lidhje me operacionin e përbashkët të realizuar nga dy shtetet janë urdhëruar 51 masa arresti dhe një masë ndalimi, nga të cilat deri më tani 42 janë ekzekutuar.