Pushuesit kanë ngritur alarmin sot në Fier pasi një person rrezikonte jetën në det.
Shërbimet e Stacionit të Policisë Kufitare Hoxharë shpëtuan nga mbytja pushuesin i cili po lahej në plazhin e Semanit.
“Sot rreth orës 12:40, gjatë patrullimit në vendin e quajtur “Kulla e Ujit”, në plazhin e Semanit, nga patrulla e Kufirit është konstatuar një shtetas rreth 200 m larg bregut që kërkonte ndihmë.
Menjëherë shërbimet e Kufirit kanë bërë të mundur nxjerrjen nga uji të shtetasit 75 vjeç, banues në Fier, dhe së bashku me patrullën e Rendit Publik i është dhënë ndihma e parë.
Shtetasi u shoqërua me ambulancë për ndihmë mjekësore dhe aktualisht ndodhet në kujdesin e mjekëve, jashtë rrezikut për jetën.