Një ngjarje e rëndë tronditi bregdetin e Vlorës këtë të mërkurë, kur një grua 59-vjeçare humbi jetën gjatë qëndrimit në ujë. Pavarësisht përpjekjeve të familjarëve për ta nxjerrë nga deti dhe transportit urgjent në Spitalin Rajonal, ajo mbërriti pa shenja jete.
Shkaqet ende nuk janë konfirmuar, por dyshohet se gruaja ka pësuar arrest kardiak. Trupi i saj është dërguar për ekspertizë mjeko-ligjore, ndërsa autoritetet vazhdojnë hetimet për zbardhjen e plotë të ngjarjes.