TIRANË– Përmes një postimi në Facebook pak orë më parë, Ministri i Brendshëm, Ervin Hoxha, ka kujtuar dhe ka shprehur nderim për rënien në krye të detyrës së 4 Dëshmorëve të Atdheut nga rradhët e Policisë së Shtetit.
Katër policët që u ekzektuan nga Dritan Dajti 15 vjet më parë në një aksion policer janë, Altin Dizdari, Fatos Xhani, Kastriot Feska dhe Saimir Duçkollari.
REAGIMI I PLOTË I MINISTRIT HOXHA:
Të dashur punonjës të Policisë së Shtetit,
agjencive ligjzbatuese dhe qytetarë të vendit tonë,
Sot, më 7 Gusht 2024, kujtojmë me dhimbje dhe nderim të thellë rënien e katër Dëshmorëve të Atdheut nga radhët e Policisë së Shtetit:
Altin Dizdari, Fatos Xhani, Kastriot Feska dhe Saimir Duçkollari. Këta trima, të cilët humbën jetën 15 vite më parë, na kujtojnë me sakrificën e tyre të përhershme, se siguria e vendit tonë kërkon përkushtim dhe heroizëm të jashtëzakonshëm.
Në emër të Ministrisë së Brendshme dhe gjithë shqiptarëve, shpreh mirënjohjen dhe respektin më të madh për këta heronj. Kujtimi i tyre do të mbetet i gjallë në zemrat tona dhe në historinë e Shqipërisë.
Falë sakrificës së tyre, ne vijojmë të gëzojmë një të ardhme të sigurt dhe të qëndrueshme. Do të bëjmë gjithçka që është në fuqinë tonë për të ruajtur dhe forcuar vlerat dhe idealet, për të cilat ata ranë.
I paharruar qoftë gjithmonë kujtimi i dëshmorëve të atdheut 🙏
Lavdi të përjetshme!
Me respekt dhe nderim,
Ervin Hoxha
Ministër i Brendshëm