TIRANË– I shumëkërkuari i drejtësisë, Florenc Çapja, i cili u ekstradua drejt Shqipërisë nga Dubai në 2 Maj është lënë në arrest me burg nga gjykata ditën e sotme.
Çapja njihet si një prej emrave më të njohur të botës së krimit, jo vetëm në qytetin e Elbasanit por edhe në disa vende të botës.
Ai është dënuar me burgim të përjetshëm se porositi një vrasje të dyfishtë dhe i akuzuar për një sërë ngjarjesh të rënda kriminale, mbërriti pasditen e 2 majit në aeroportin e Rinasit.
44-vjeçari është i akuzuar nga SPAK dhe Gjykata e Elbasanit, si porositës i 3 vrasjeve. Florenc Çapja, së bashku me xhaxhain e tij Ardian Çapja, që është kreu i grupit kriminal të njohur të Çapjave të Elbasanit, janë të dënuar me burgim të përjetshëm me vendim të formës së prerë nga Apeli i GJKKO për vrasjen e babë e bir, Nezir dhe Gentian Beqirit në vitin 2012./Radar.al
https://radar.al/i-denuar-me-burg-perjete-ja-momenti-kur-florenc-capja-zbarkon-nen-masa-te-rrepta-sigurie-blindohet-rinasi/