TIRANË– Gazetari i njohur Elton Tozaj, ka folur ditën e sotme për herë të parë në “Shqipëria Live” në Top Channel dy ditë pas dhunës brutale që u ushtrua ndaj tij në autostradën Tiranë-Durrës.
ELTONI: “Kam pasur kërcënime… Me mirëbesim lash takim me ta, pa e ditur çfarë më priste. Pasi i takova nuk mbaj mend asgjë sepse u dhunova në mënyrë çnjerëzore. Mbaj mend një fjali ‘kush je ti që do të ndryshosh botën’. Kur u zgjova e pashë veten në rrugë të gjakosur, u çova vrapova. Kam përshtypje që më kanë lënë për të vdekur, më kanë goditur vetëm në fytyrë sepse kam përshtypjen që kanë dashur të japin mesazh mos të dal më në ekran. Nuk kam bërë akoma denoncim, pres një kontakt nga Prokuroria. Kam frikë për jetën time dhe mamanë time”.
A ke bërë denoncim?
Tozaj: Jo ende. Po pres lajm nga Prokuroria.
Kush të ka dhënë ndihmën e parë?
Tozaj: Kanë qenë dy djem që u kam kërkuar të bëj nëj telefonatë dhe gje rastin ti falenderoj. Ndërsa ndihma e parë më është dhënë nga një mjek. Miku im mjek që është kujdesur për shendetin tim.
Po situata me shikimin?
Tozaj: SItuata është shumë keq kam hematoma. Sytë janë totalisht zi. Nesër pritet për një përgjigje./Radar.al