Kryeministri Edi Rama ka shpërndarë sot thirrjen për protestën gjithëkombëtare që do të zhvillohet të premten, më 17 tetor, në orën 17:00, në mbështetje të çlirimtarëve të Ushtrisë Çlirimtare të Kosovës (UÇK).
Në një postim në rrjete sociale, Rama shprehet se është “me kënaqësi dhe i nderuar” që i bashkohet organizatorëve për të përcjellë ftesën me moton “Liria ka emër”, duke theksuar se mijëra shqiptarë nga Kosova, Maqedonia e Veriut, Shqipëria dhe diaspora do të bashkohen në një zë: “Drejtësi për çlirimtarët.”
Thirrja për protestë synon të shprehë solidaritet me ish-luftëtarët e UÇK-së që po përballen me procese gjyqësore në Hagë dhe të përcjellë një mesazh uniteti mbarëkombëtar.
Postimi i Ramës:
Me kënaqësi dhe i nderuar t’u bindem organizatorëve për ta postuar këtë ftesë-thirrje LIRIA KA EMËR
Nga Kosova, Maqedonia e Veriut, Shqipëria, diaspora e çdo cep i trojeve shqiptare — mijëra zemra do të bashkohen këtë të premte, më 17 tetor, ora 17:00, për të kërkuar njëzëri DREJTËSI PËR ÇLIRIMTARËT