Një ngjarje e rëndë ka tronditur Scandicci, në provincën e Firence, ku një grua 44-vjeçare gjermane u gjet e vrarë në një park, me kokën e prerë. Viktima, e cila nuk kishte adresë të përhershme në Itali, ende nuk është identifikuar zyrtarisht nga autoritetet.
Një person është arrestuar dhe aktualisht ndodhet nën mbikëqyrje mjekësore në spital. Motivi i krimit dhe data e kryerjes mbeten të paqarta, ndërsa arma e mundshme, një thikë e gjatë, u gjet pranë vendit të ngjarjes.
Hetimet fillestare, përfshirë pamjet e kamerave të sigurisë, e vendosin të dyshuarin pranë një ndërtese të braktisur në momentet përkatëse me kohën e krimit.
Autoritetet italiane po vijojnë hetimet për të sqaruar motivin dhe rrethanat e plota të ngjarjes tragjike.