Një 22-vjeçare akuzohet nga prokuroria e Parmës për vrasjen e një foshnje të porsalindur si dhe për fshehje të kufomës në një fushë pranë shtëpisë së saj.
Sipas hetimeve paraprake dyshohet se ngjarja ka ndodhur muajin e kaluar, 9 gusht.
Disa ditë më parë, autoritetet italiane njoftuan se gjetën në të njëjtën fushë eshtrat e një foshnje tjetër, e cila sipas hetimeve të deritanishme duhet të jetë varrosur në këtë vend rreth një vit më parë.
Vajza studente në Fakultetin e Drejtësisë në Parma deri më tani ka pranuar përgjegjësinë për vrasjen e parë.
Babai i foshnjës dhe i dashuri saj mendohet se nuk ka qenë në dijeni që partnerja e tij ishte shtatzënë dhe ndaj dhe nuk do të hetohet.
Sipas prokurorëve, gruaja lindi vetë, pa asnjë ndihmë nga një mjek apo infermiere dhe askush nuk e dinte se ajo ishte shtatzënë, raporton La Repubblica.
Ndërkohë vijojnë hetimet për zbardhjen e plotë të shkaqeve të ngjarjes.