Numri i viktimave nga tërmeti shkatërrues që goditi Afganistanin ka arritur në 2.205 të vdekur dhe 3.640 të plagosur, sipas autoriteteve vendase.
Epiqendra e tërmetit me magnitudë 6 ballë u regjistrua pranë Jalalabadit, vetëm 27 km nga kufiri me Pakistanin, në një thellësi prej 8 km, njoftoi Shërbimi Gjeologjik i SHBA-së (USGS).
Provinca Kunar është ndër më të goditurat, ku ekipet e kërkim-shpëtimit po vijojnë operacionet në zonat Nur Gal, Sawki, Chapa Dara dhe Manogi.
Ky konsiderohet si një nga tërmetet më të fuqishme të viteve të fundit në Afganistan. Pak orë më pas, vendi u godit edhe nga një tërmet i dytë me magnitudë 5.2.