Një aksident i rëndë ndodhi në një kantier ndërtimi në Alsergrund, Vjenë, ku katër punëtorë, tre shqiptarë nga Kosova dhe një nga Bosnja dyshohet se humbën jetën gjatë punimeve me beton.
Raportet fillestare tregojnë se gjatë aksidentit u thyen skeletet e ndërtimit dhe disa punëtorë ranë në oborrin e një ndërtese të vjetër, duke shkaktuar tragjedinë.
Një nga viktimat është identifikuar si Pajtim Bajrami, vdekjen e të cilit e konfirmuan familjarët. Njoftimi i familjes përshkruan humbjen si një dhimbje të thellë: “Bashkë me tre shokët e tij nga Kosova, djali i axhës tragjikisht humbi jetën në vendin e punës në Vjenë të Austrisë.”
Nga informacionet e konfirmuara të albinfo.at rezulton si në vijim: Tre prej viktimave janë shqiptarë: Pajtim Bajrami, Asllan Musliu dhe një tjetër me emrin Istref (mbiemri ende nuk është konfirmuar). Viktima e katërt është nga Bosnja.
Një person tjetër mbeti i lënduar, por identiteti dhe vendi i tij i origjinës ende nuk janë të konfirmuar.
Autoritetet po vijojnë hetimet për të përcaktuar shkakun e saktë të aksidentit.