Një ngjarje e rëndë ka ndodhur në Fushë-Krujë, ku një konfliktka përfunduar me vrasje me armë zjarri.
Sipas informacioneve paraprake, një shtetas dyshohet se ka qëlluar për vdekje kunatin e tij pas një përplasjeje që dyshohet të ketë nisur disa ditë më parë mes tyre. Rrethanat e plota të ngjarjes ende nuk janë sqaruar plotësisht.
Menjëherë pas krimit, autori dyshohet se ka telefonuar vetë Policinë e Shtetit, duke deklaruar: “Kam vrarë komshiun, hajdeni merreni”.
Forcat e rendit kanë mbërritur në vendngjarje dhe kanë rrethuar zonën, ndërsa po vijojnë hetimet për zbardhjen e motivit dhe dinamikës së plotë të ngjarjes.
Policia po punon gjithashtu për kapjen dhe shoqërimin e autorit, si dhe për mbledhjen e provave në vendin e krimit.