Një tragjedi familjare ka tronditur qytetin Oltenburg të Gjermanisë këtë të hënë, ku katër persona kanë humbur jetën pas një sulmi me armë zjarri.
Sipas hetimeve paraprake, një burrë ka qëlluar për vdekje bashkëshorten dhe dy fëmijët e tij të mitur, përpara se të vetëvritej.
Policia gjermane ka rrethuar lagjen Osternburg, ku ndodhi ngjarja, dhe ka bllokuar qarkullimin në zonë për arsye sigurie. Viktimat u gjetën pa shenja jete brenda banesës familjare, ndërsa hetimet për ngjarjen vijojnë intensivisht.
Aktualisht, autoritetet nuk kanë bërë të ditur identitetin e viktimave dhe autorit, ndërsa motivi që e çoi burrin në këtë akt të rëndë mbetet ende i paqartë.