Një ngjarje tragjike ka ndodhur së fundmi në Bolivi ku më shumë se 30 persona kanë humbur jetën pasi autobusi me të cilin udhëtonin doli nga rruga dhe ra në një greminë në një zonë malore.
Sipas mediave të huaja bëhet me dije se aksidenti la pas 14 pasagjerë të lënduar, mes tyre dhe 4 fëmijë, disa prej të cilëve ndodhen në gjendje të rëndë.
Zyrtarët lokalë dyshojnë se aksidenti mund të jetë shkaktuar nga shpejtësia tej normave të lejuara dhe nga pakujdesia e shoferit.