LEZHË– Një shtetas 41-vjeçar është arrestuar nga “blutë” e Lezhës, pasi ishte shpallur në kërkim në kuadër të operacionit të koduar “Puzzle”, i zhvilluar rreth 3 muaj më parë.
Ritvan Keqi, përfundoi në pranga për shkak të pjesëmarrjes në grupin i cili trafikonte armë nga Kosova në Shqipëri.
NJOFTIMI I POLICISË:
Në vijim të punës për kapjen e shtetasve të shpallur në kërkim dhe vënien e tyre përpara përgjegjësisë ligjore, shërbimet e Seksionit të Mbështetjes Operacionale të Hetimit, në DVP Lezhë, si rezultat i një pune të mirorganizuar, kapën dhe vunë në pranga shtetasin:
Ritvan Keqi, 41 vjeç, banues në Fushë Kuqe, Kurbin.
Ky shtetas ishte shpallur në kërkim nga DVP Tiranë, në kuadër të operacionit të koduar “Puzzle”, i zhvilluar rreth 3 muaj më parë, për goditjen e trafikimit të armëve të zjarrit nga Kosova në Shqipëri. Në kuadër të këtij operacioni janë sekuestruar 14 armë zjarri.
Veprimet e tjera procedurale për shtetasin R. K. do të kryhen nga DVP Tiranë.
Materialet procedurale i kaluan Prokurorisë, për veprime të mëtejshme./Radar.al
LAJM I FUNDIT/ Dimal Basha zgjidhet kryetar i Kuvendit të Kosovës