Një ngjarje e rëndë është shënuar në fshatin Selitë-Mal, në zonën e Zall Bastarit, ku një grua rreth 44 vjeçe ka humbur jetën pasi dyshohet se është rrëmbyer nga rrjedha e lumit gjatë tentativës për ta kaluar atë.
Sipas informacioneve paraprake, shtetasja me iniciale B. P. është marrë nga uji për shkak të rrjedhës së fortë, duke mos mundur të shpëtojë. Trupi i pajetë i saj është gjetur dhe nxjerrë nga lumi pas kërkimeve.
Në vendngjarje ndodhet grupi hetimor, në bashkëpunim me shërbimet e Policisë, i cili po kryen veprimet hetimore për zbardhjen e plotë të rrethanave të kësaj ngjarjeje tragjike.
Autoritetet po punojnë për të përcaktuar shkaqet dhe përgjegjësitë e mundshme, ndërsa pritet një njoftim i mëtejshëm pas përfundimit të hetimeve.